Napoli nuk ka gabuar, duke e mposhtur pastër 0:2 në udhëtim Salernitanan në kuadër të javës së 19-të në Serie A.
Kjo fitore i dërgon ata në 12 pikë më shumë se vendi i dytë në Serie A.
Giovanni Di Lorenzo kaloi mysafirët në epërsi në minutën e tretë shtesë të pjesës së parë.
Me të nisur pjesa e dytë, Osimhen e dyfishoi epërsinë në minutën e 48-të të ndeshjes.
Qendërmbrojtësi kosovar, Amir Rrahmani luajti tërë ndeshjen.
Me këtë fitore, Napoli tani shkon në kuotën e 50 pikëve në vendin e parë, 12 më shumë se Milani i vendit të dytë, që ka një ndeshje më pak të luajtur.
Në anën tjetër, Salernitana mbetet e 16-ta me 18 pikë, gjashtë më shumë se zona e rrezikshme që dërgon në Serie B.