Enzo Fernandez ka rënë dakord të largohet nga Benfica dhe të bashkohet me Chelsean, sipas Fabrizio Romano. Blutë tani janë në “bisedime të drejtpërdrejta” me skuadrën portugeze dhe po përgatisin një ofertë të madhe transferimi për mesfushorin, i cili ka një klauzolë lirimi prej 120 milionë euro në kontratën e tij.
Manchester Utd dhe Liverpool janë lidhur gjithashtu me lojtarin e ri më të mirë të turneut të Kupës së Botës, por nuk kanë bërë ende një ofertë. Trajneri i Benfica-s, Roger Schmidt është pyetur në lidhje me spekulimet rreth Fernandez-it dhe u tha gazetarëve se do të respektojë vendimin e argjentinasit për të ardhmen e tij.
“Deri më 31 dhjetor jemi të sigurt se i kemi të gjithë lojtarët dhe askush nuk mund të largohet. Më pas hapet merkato dhe kur ke lojtarë me talent të madh, gjithmonë rrezikon të humbasësh lojtarë,” tha ai.
Chelsea ka ofruar tashmë 106 milionë sterlina për Fernandez, më shumë se sa klauzola e tij e lirimit, dhe janë në pole position për të blerë të riun. Ndërkohë, Benfica ka mohuar komentet e presidentit Rui Costa se ai do të lejojë mesfushorin të largohet nëse klauzola e tij e lirimit paguhet dhe këmbëngulin se duan që argjentinasi të qëndrojë për pjesën tjetër të sezonit.