Në botën e futbollit, janë talentet e ri ata që tërheqin vëmendjen e klubeve më të njohura.
Një shembull i tillë është një 14-vjeçar shqiptar, Loris Sahiti i cili aktualisht aktivizohet te Xamax u15 në Zvicër. Lorisi është një mbrojtës i majtë me aftësi të shkëlqyera dhe ka një potencial të jashtëzakonshëm. Statistikat e tij prej tetë asistimeve dhe tre golave tregojnë shumë.
Ndërsa ai ndodhet në qendër të vëmendjes, e ardhmja e tij duket e ndritur, veçanërisht pas provave të suksesshme te Hoffenheim në Gjermani në muajin Shtator.
Gjatë provave në Hoffenheim, ai ka impresionuar skautët dhe trajnerët me aftësitë e tij mbrojtëse, shpejtësinë dhe qartësinë në lojë. Në vitin 2025, ai planifikon të shkojë përsëri në këtë klub gjerman, dhe duket se ka potencialin për të ndalur atje. Kjo tregon përkushtimin e tij për të arritur majat e karrierës dhe dëshirën për t’u përmirësuar çdo ditë.
Një aspekt tjetër interesant i këtij talenti është se ai ka pasur oferta për të përfaqësuar Shqipërinë dhe Zvicrën, por ka deklaruar për Albanian News, që dëshira e tij është të luaj për Kosovën.
“Dëshira ime është të luaj vetëm për Kosovën. Më pëlqen shumë Kosova, pasi çdo herë shkoj atje. Shpresoj që shumë shpejt të vesh fanellën e Kosovës.” ka thënë Loris Sahiti.
Si përfundim, ky 14-vjeçar është një emër që do ta dëgjojmë shumë në të ardhmen.
