Të shtunën dy ndeshje, të dielën dy si dhe të hënën një janë në program për xhiron e dytë të Superligës në futboll.
Ndeshja kryesore e së shtunën është mes Lirisë së Prizrenit e Dritës.
Prizrenasit luajnë sërish në shtëpi dhe do kërkojnë rezultat pozitë, pasi që sfidën e parë në shtëpi pësuan nga Ballkani.
Në krahun tjetër, të kaltrit nga Gjilani do kërkojnë fitoren e dytë, pas asaj në derbi ndaj Llapit.
Të shtunën luajnë edhe Malisheva-Fushë Kosova. Malishevasit hyjnë në fushë për tre pikët e radhës, pas atyre ndaj Dukagjinit në udhëtim, e për Fushë Kosovën e inkuadruar në elitë, kjo është sfida e parë në këtë sezon.
Të dielën, kampioni në fuqi, Ballkani e pret Feronikelin 74 dhe në letër është favorit për tre pikët e radhës.
Fitoren e parë kampionale e kërkojnë Llapi e Dukagjini, që luajnë mes vete të dielën e 20 gushtit.
Xhiroja mbyllet të hënën me ndeshjen Gjilani-Prishtina.
Të kuqtë nga Gjilani e luajnë ndeshjen e parë në këtë edicion, pas probleme të brendshme që i kishin, të cilat detyruan shtyrjen e takimit me Fushë Kosovën.
Në anën tjetër, Prishtina hynë në ndeshje me tre pikë, pas triumfit në shtëpi ndaj Feronikelit.
Të gjitha përballjet e xhiros së dytë luhen sërish nga ora 17:00.