Leo Messi nuk di të ndalet më. Ylli argjentinas duket i dashuruar pas “tokës së premtuar”, këtë e reflekton edhe në fushë duke dhuruar spektakël në çdo top që prek.
“Pleshti” bëri edhe një herë liderin për Inter Miami duke udhëhequr ekipin nga Florida drejt finales së Kupës së Ligës. Messi realizoi golin e dytë në suksesin 4-1 që Inter Miami arriti përballë Philadelphia. Ky ishte një gol i veçantë për Messi-n pasi realizoi nga 32 m distancë, goli më i largët në karrierën e tij. Për ish lojtarin e Barcelonës dhe PSG, ky ishte goli i tij i 9 në 6 ndeshje me fanellën e Inter Miami.
Më 19 gusht, Messi do të ketë mundësi të fitojë trofeun e tij të parë në SHBA.