Interit i ka takuar kryendeshja e javës së 16-të në Serie A, duke triumfuar në shtëpi kundër Napolit.
“Nerazzurët” fituan minimalisht 1:0 kundër napolitanëve në stadiumin “San Siro”.
Goli i minutës së 56-të i realizuar nga sulmuesi boshnjak Edin Dzeko vulosi epilogun e përballjes në qytetin e modës.
Mbrojtësi i Kombëtares së Kosovës, Amir Rrahmani, i sapo rikthyer nga lëndimi, u aktivizua për 90 minuta në radhët e mysafirëve.
Kjo ishte humbja e parë e Napolit këtë edicion në kampionatin elitar italian.
Përkundër disfatës, Napoli vazhdon të mbajë lidershipin në Serie A me 41 pikë. Interi është i treti me 34 pikë.