Mbrojtësi i Kombëtares së Kosovës, Amir Rrahmani u rikthye në fushë te Napoli pas një lëndimi që e mbajti jashtë fushës për një kohë të gjatë. Pavarësisht kësaj ai bindi drejtuesit e klubit për vazhdimin e kontratës.
Mediat italiane raportojnë se aktualisht, përfaqësuesi kosovar paguhet 1,8 milionë euro në vit.
E me kontratën e re, ish-futbollisti i Dinamo Zagrebit dhe Veronës do ta ketë rrogën vjetore 2,5 milionë euro.
Trajneri Luciano Spalletti e sheh Rrahmanin si lider të mbrojtjes, mbi të gjitha pas largimit të Kalidou Koulibalyt.
Pra, Napoli po e vlerëson kontributin e Rrahmanit, duke e shpërblyer atë me një kontratë më të majme.