Milani ka udhëhequr 2:0, por në fund mori vetëm një pikë në ndeshjen ndaj Romës. Ndeshja e së dielës mbrëma përfundoi 2:2. Pierre Kalulu shënoi për 1:0 në minutën e 30-të. Për 2:0 në të mirë të Milanit shënoi Tommaso Pobega në minutën e 77-të.
Megjithatë epërsinë prej dy golash Milani nuk e mbajti deri në fund. Roger Ibanez shënoi për 2:1 në minutën e 87-të. Kurse Tammy Abraham shënoi në minutën e 93-të për të barazuar rezultatin në 2:2. Ndeshja i takoi xhiros së 17-të të Serie A.
Milani është i treti me 37 pikë, ndërsa ka lëshuar rast të mirë që t’i afrohet liderit, Napolit. Roma është e gjashta me 31 pikë. Napoli udhëheq me 44 pikë, ndërsa 37 pikë në pozitën e dytë i ka Juventusi.