Leonardo Trossard është gjithnjë e më afër zyrtarizmit te Arsenali.
Sulmuesi belg ka kaluar tashmë edhe testet mjekësore te klubi londinez, shkruan Gazeta Express.
“Leandro Trossard tani ka përfunduar me sukses të gjitha testet mjekësore si lojtar i Arsenalit”, ka shkruar Romano në “Twitter”.
Pas testeve mjekësore, mbetet vetëm çështje orësh se kur Trossard do të prezantohet si futbollist i Arsenalit. Zyrtarizimi sipas të gjithave gjasave do të bëhet gjatë ditës së sotme.
Kujtojmë se marrëveshja për transferimin e 28-vjeçarit në “Emirates” është në vlerë prej 21 milionë funtesh, plus 6 milionë tjera si bonuse.
Trossard me “Topçinjtë” është pajtuar për të nënshkruar kontratë të vlefshme deri në verën e vitit 2026. /Gazeta Express/