Luftëtari i famshëm i MMA-s, Conor McGregor ka pësuar një aksident në rrugë pasi është përplasur nga një makinë.
McGregor, ish-kampion i peshave të lehta në UFC dhe një nga luftëtarët më të njohur të epokës moderne, po ngiste biçikletën e tij kur u godit nga një veturë.
“Sapo më goditi nga pas një veturw. Dielli e verboi, shoferi nuk më shihte dot. Më mori me shpejtësi të plotë përpara. Faleminderit Zotit. Falë mundjes dhe xhudos gjithashtu shpëtova. Fakti që isha i vetëdijshëm se si të largohesha më shpëtoi jetën”, shkroi McGregor në Instagram, transmeton GazetaSport.
Shumë njerëz të famshëm u tronditën nga ajo që ndodhi dhe mesazhet e mbështetjes në llogarinë e tij u rreshtuan në komente.
McGregor ka disa vite jashtë konkurrencës serioze për titullin në UFC, pas tetorit 2018 kur u mposht nga Khabib Nurmagomedov, i cili që atëherë është tërhequr edhe vetë.
Pas daljes në pension, irlandezi pati një rikthim në botën e arteve marciale dhe përveç oktagonit, provoi edhe në boks, ku u mund nga Floyd Mayweather. /GazetaSport/