Njëri prej sulmuesve më të mirë në elitën e futbollit të Kosovës në stinorin vjeshtor, Christian Mba, që ishte pjesë e Trepçës ’89, është transferuar te Partizani i Tiranës.
Lajmi për transferimin e tij në elitën e futbollit të Shqipërisë, është bërë i ditur të dielën nga skuadra e Partizanit.
“Partizani me kënaqësi zyrtarizon afrimin e Christian Mba. Klubi ka arritur akordin me sulmuesin, i cili së fundmi ishte pjesë e ekipit Trepça ’89. 23-vjeçari nga nigeria ka firmosur kontratë për tre vite e gjysmë, me opsion edhe për një vit tjetër”, ka shkruar Partizani në Facebook.
Mba ka realizuar 10-të gola e pesë asistime në 18 paraqitje në gjysmën e parë të sezonit të Superligës së Kosovës.