Kanë përfunduar katër ndeshjet e para të 1/8 së finales në Kupën e Kosovës.
Kampioni në fuqi i kësaj gare, Llapi, e ka siguruar kalimin për në çerekfinale, bashkë me Ballkanin Feronikelin 74.
Llapi fitoi në udhëtim 2:3 kundër Lirisë. Kushtrim Shabani, Francisco Rivera dhe Drilon Fazliu shënuan golat e fitores për llapjanët.
Liridon Fetahaj dhe Ermir Abazi shënuan për prizrenasit.
Ballkani regjistroi fitore 2:0 kundër A&N, falë golave të Albion Rrahmanit dhe Lumbardh Dellovës.
Feronikeli 74 eliminoi Trepçën ’89 me rezultatin minimal 1:0. Golin e vetëm e shënoi Fitim Susuri.
Ndeshja mes Flamurtarit dhe Vushtrrisë u vendos pas ekzekutimit të penalltive, me vushtrriasit që triumfuan me rezultatin 3:4.
Koha e rregullt u mbyll baras, 1:1.
Nesër do të zhvillohen katër ndeshjet tjera të kësaj faze; Prishtina – Dukagjini, Malisheva – Fushë Kosova, Gjilani – Vjosa dhe Behari – Prizreni.