Chelsea synon transferimin e Joao Felixit gjatë verës, raporton “Goal.com”. Felix është futbollist i Atletico Madridit, por deri në fund të sezonit aktual është huazuar te skuadra angleze.
Chelsea pritet t’ia ofrojë 100 milionë euro klubit elitar të Spanjës. Atletico e bleu 23-vjeçarin për 130 milionë euro nga Benfica në korrik të vitit 2019. Ai me fanellën e Chelseat në dy paraqitje në Premier League ka shënuar një gol, ndërsa për Atleticon ka shënuar katër gola në 14 paraqitje. Me klubin nga Madridi ka kontratë deri në verën e vitit 2027.