Shumë bujë është ngritur në Premierligë pasi u nisën procedura kundër Manchester Cityt për keqpërdorim të mundshëm në vitet e fundit, gjë që u dha atyre një avantazh të padrejtë ndaj klubeve të tjera.
Është thënë se janë shkelur 115 rregulla financiare dhe Pep Guardiola në ato momente ka akuzuar Steven Gerrard se është pjesërisht përgjegjës për të gjithë situatën dhe se duhet ta marrë përsipër.
“Ka momente të mira dhe të këqija në të cilat jetojmë dhe ato nuk mund të ndryshohen. Goli i Sergio Agueros. Nuk e di nëse është faji ynë që rrëshqiti Steven Gerrard? Ishte faji ynë? Unë e respektoj atë, por ai moment na takon neve”, tha më pas Guardiola.
Mirëpo, shumë shpejt Pep u gjend nën sulmin e ashpër të publikut britanik, gjë që vetëm i hodhi benzinë zjarrit, ndaj trajneri i famshëm sot vendosi t’i kërkojë falje Stevie G në konferencën para ndeshjes me Arsenalin.
“I kërkoj falje Gerardit për komentet e mia të panevojshme dhe budallaqe. Ai e di se sa shumë e admiroj, si dhe karrierën e tij dhe gjithçka që ka bërë për këtë vend . Më vjen turp nga vetja, ai nuk e meriton”, tha Guardiola.