Ilir Avdyli është zgjedhur lojtari i javës në Superligën e futbollit.
Portieri i Llapit shkëlqeu në fitoren e Llapit ndaj Trepçës ’89 me rezultat 2:1 në kuadër të xhiros së 20-të të ligës elitare.
Ai përgjatë tërë ndeshjes pati performancë të jashtëzakonshme, ku fillimisht e priti penalltinë tek rezultati 0:0, derisa më pas pati edhe disa intervenime tjera gjatë lojës, duke mos e lejuar skuadrën kundërshtare t’ia rrezikojë fitoren Llapit.
Shpallja e tij si më i miri i javës së 20-të është një nder i veçantë për portierin e llapjanëve dhe dëshmon kualitetin dhe aftësitë e tij të jashtëzakonshme në portë.