Paraqitjet e mira të Ermal Krasniqit te CFR Cluj po vlerësohen edhe nga ish-futbollsitët me përvojë rumun.
I tillë është rasti edhe me ish-sulmuesin e njohur të Rumanisë, Adrian Ilie i cili dha shumë lëvdata për futbollistin kosovar që luan te Cluji.
Ilie ka thënë në një intervistë se sulmuesin Ermal Krasniqin e ka përcjellur prej kohësh, teksa për një kohë të gjatë ka tentuar ta sjellë në skuadrën rumune.
“Mendoj se Krasniqi është një lojtar shumë i mirë për kampionatin tonë. Kam folur me Dan Petreskun (trajnerin e Cluj) për një kohë të gjatë për ta sjellë në skuadër, ende nuk i kishin finalizuar letrat e transferimit. Ai sjell një plus në kampionatin tonë, një lojtar i talentuar që ka një koordinim shumë të mirë me topin, një për një, e mban topin afër dhe ka shpejtësi”, tha Adrian Ilie për Fanatik.ro, transmeton Demokracia.com.
“Unë mendoj se ai vrapon me topin në këmbët e tij ashtu siç vrapon pa top. Në golin e djeshëm ai ka një rrahje para se të godasë topin, koordinon shumë mirë lëvizjen e tij. Gol shumë i bukur, por shikoni lëvizjen që bën para se të godasë topin. Ai ecën pak në vend, e koordinon veten aq mirë sa e godet ashtu siç duhet”.
“Unë mendoj se ai më ngjan pak në mënyrën se si vrapon. Ai ka lëvizje shumë të mirë me topin në këmbë, e parashikon shumë mirë topin në vrapim dhe ka një driblim shumë të shkurtër, kështu që ai e di se ku të avancojë”.
“Dje, që kur u largua me topin në këmbë, thashë se do të shënonte. Largohet nga fusha e tij, ka një hapësirë shumë të madhe dhe nëse e lini pak në atë hapësirë me koordinimin e tij… Është një lojtar mbi mesataren e kampionatit”, shtoi ai në intervistë.
Ermal Krasniqi u transferuar te kampionët e shumëfisht të Rumanisë në afatin kalimtar të janarit nga Ballkani i Suharekës.
Anësori kosovar ishte ndër më të vlersuarit te kampionët në fuqi të Kosovës si dhe shihet si ndër talentët më premtues.