Liverpooli ka shënuar njërën prej fitoreve më të mëdha në histori. Ndërkohë Manchester Unitedi ka pësuar njërën prej humbjeve më turpërue e në histori.
Në kuadër të Premier Leagues, Liverpooli e turpëroi Unitedin duke e mposhtur 7:0. Ndeshja e të dielës i takoi xhiros së 26-të të kampionatit anglez.
Cody Gakpo shënoi për 1:0 në minutën e 43-të. Kështu ndeshja ishte e hapur për pjesën e dytë. Por Liverpooli shënoi edhe gjashtë herë të tjera për ta shkatërruar rivalin e madh. Gakpo shënoi edhe një gol tjetër në minutën e 50-të. Dy gola i realizoi edhe Darwin Nunez, në minutën e 47-të dhe 75-të.
Mohamed Salah nuk mungoi në spektakël, duke shënuar në minutën e 66-të dhe të 83-të. Fare në fund shënoi edhe Roberto Firmino. Ai realizoi për 7:0 në minutën e 88-të.
Salah tashmë është golashënuesi më i mirë i Liverpoolit në Premier League me 129 gola në 205 ndeshje.
Kjo është fitorja më e thellë e Liverpoolit ndaj Manchesterit në histori. Në vitin 1895, Liverpooli kishte fituar 7:1, kurse skuadra nga Manchesteri quhej Newton Heath.
Liverpooli tani është i pesti me 42 pikë nga 25 ndeshje. Manchester Unitedi renditet i treti me 49 pikë nga 25 ndeshje.