Mërgim Vojvoda është inkuadruar në minutën e 73-të në fitoren e Torinos ndaj Bolognas me rezultatin 1:0. Golin e fitores e shënoi Yann Karamoh në minutën e 22-të. Kjo ndeshje u zhvillua të hënën mbrëma dhe i takoi javës së 25-të të Serie A të Italisë.
Vojvoda pati një rast shënimi, por gjuajtja e tij me kokë përfundoi mbi portën e Bolognas. Në minutën e 80-të mbrojtësi i Kosovës u ndëshkua me karton të verdhë. Me këtë fitore, Torino është ngritur në vendin e nëntë me 34 pikë, kurse një pozitë më lart me një pikë më shumë është Bologna.