Juventus luan të dielën në mbrëmje ndaj Sampdorias, ndërsa klubi po vazhdon punën për heqjen e penalizimit nga gjykata sportive me -15 pikë.
Në konferencën për shtyp para ndeshjes me Sampdorian, trajneri Massimiliano Allegri u shpreh se në rast suksesi, atëherë skuadra e tij për herë të parë në kampionat do të kishte më shumë pikë se Interi i vendit të dytë.
“Për ne ajo ndaj Sampdorias është një ndeshje me shumë rëndësi pasi në rast se fitojmë atëherë për herë të parë në këtë kampionat do të kishim më shumë pikë se Interi i vendit të dytë”.
“Ne jemi të vetëdijshëm për vështirësinë që na pret nga përballja me Sampdorian. Unë them me bindje se kemi në total 50 pikë, nuk e mendoj penalizimin”.
“Për ndeshjen me Sampdoria rikthehet në dispozicion Pogba, por nuk e kam vendosur formacionin. Chiesan e pres për ndeshjen e radhës në Ligën e Evropës, po ashtu edhe Di Maria që është në pushim total”.
“Shpresoj që djemtë të kuptojnë rëndësinë e sfidës pasi Sampdoria është një kundërshtar që vrapon shumë në fushë”, ka thënë Allegri.