Victor Osimhen ka vazhduar me formë të lartë, ndërsa Napoli ka bërë edhe një hap gjigant drejt titullit të kampionit në Serie A. Të dielën, Napoli fitoi 4:0 në udhëtim ndaj Torinos. Osimhen shënoi për 1:0 në minutën e nëntë, ndërsa gol tjetër shtoi në minutën e 51-të.
Khvicha Kvaratskhelia realizoi penallti në minutën e 35-të, ndërsa Tanguy Ndombele shënoi në minutën e 68-të.
Amir Rrahmani startoi te Napoli, ndërsa u zëvendësua në minutën e 72-të. Te Torino, Mërgim Vojvoda luajti deri në minutën e 54-t. Ndeshja i ka takuar xhiros së 27-të të Serie A. Napoli udhëheq me 70 pikë. Torino është e 11-ta me 37 pikë.