Lojtarët e Napolit janë bërë heronj në qytetin e tyre.
Ata janë shumë afër ta fitojnë titullin e kampionit në Itali dhe gati ta rikthejnë këtë trofe pas më shumë se tri dekadash.
Banorët po mundohen t’i respektojnë lojtarët dhe ata e kanë bërë një veprim për t’u duartrokitur.
Në fakt, në një ndërtesë janë vendosur fotografitë e lojtarëve të Napolit, ndërsa në krye të saj gjendet ajo e Amir Rrahmanit.
“Faleminderit djema”, shkruan në një baner të vendosur mbi fotografitë e vendosura në objekt, raportojnë mediat italiane.
Rrahmani ka qenë protagonist i ekipit napolitan këtë sezon, i cili po shkëlqen në Serie A dhe në Ligën e Kampionëve. /Gazeta Express/
