Edon Zhegrova, i cili shënoi golin e vetëm në barazimin e Kosovës ndaj Andorrës, ka mbetur tejet i zhgënjyer me faktin që nuk arritën ta fitojnë ndeshjen.
Kosova barazoi 1:1 ndaj Andorrës, ndërsa Zhegrova shtoi se Kosova nuk e pati mbrëmjen e saj dhe ishte e pafat në këtë përballje.
“Të gjithë jemi shumë të mërzitur pasi me çdo kusht e kemi dashur dhe kërkuar fitoren në këtë ndeshje, gjë që ndoshta ndikoi tek ne që nuk arritëm të shfrytëzojmë të gjitha rastet. Andorra ishte e tërhequr në mbrojtje, por edhe pse dominuam tërësisht nuk arritëm të shfrytëzojmë të gjitha rastet. Thjeshtë, kjo nuk ishte mbrëmja jonë, dhe tani fokusi është te ndeshjet tjera që duhet t’i fitojmë për të vazhduar tutje”, ka thënë Zhegrova.