Futbollisti i Kosovës, Valon Berisha, ka arritur sukses të madh me skuadrën Melbourne City.
City të dielën e siguroi titullin e kampionit të stinorit të rregullt në elitën australiane, A-League. Melbourne City ka shkruar histori duke u bërë ekipi i parë që ka siguruar tre tituj rresht të stinorit të rregullt.
“Përvojë e mahnitshme dhe vendim që më ka thënë më shumë se që kam pritur. I falënderoj të gjithë lojtarët, trajnerët dhe anëtarët e stafit që më kanë bërë të ndihem si në shtëpi që nga dita e parë. Titulli i kampionit do të thotë punë e madhe, dedikim dhe besim”, ka shkruar Berisha. Dy ndeshje para fundit të stinorit të rregullt, City ka tetë pikë më shumë se Adelaide United. Pas stinorit të rregullt zhvillohet pjesa shtesë e kampionatit. Mesfushori i Kosovës, Berisha, vjet u huazua te Melbourne City nga Reimsi francez.