Fiorentina ka shmangur për pak vazhdimet në duelin kthyes të çerekfinales së Ligës së Konferencës dhe është kualifikuar në gjysmëfinale të kësaj gare.
Skuadra italiane të enjten mbrëma u mposht në shtëpi nga Lech Poznani 3:2, por fitorja 4:1 në ndeshjen e parë të luajtur në Poloni, ka bërë që Fiorentina të kualifikohet tutje.
Afonso Sousa në minutën e nëntë Kristoffer Velde në minutën e 64-t dhe Artur Sobiech pesë minuta më vonë, shënuan për epërsinë 3:0 të mysafirëve.
Por ishte Riccardo Sottil në minutën e 78-të ai që shënoi për 1:3, kurse Gaetano Castrovilli vulosi rezultatin përfundimtar, 2:3.
Fiorentina kualifikohet në gjysmëfinale me rezultatin e përgjithshëm 6:4. Në gjysmëfinale luan me fituesin e duelit Basel – Nice.