Kanë përfundur tri ndeshjet e ditës së sotme në Albi Mall Superligën e Kosovës në futboll të zhvilluara në kuadër të javës së 32-të.
Takimi më joshës ishte ndërmjet Gjilanit e Dukagjinit, dy skuadra që po luftojnë për një pozitë në Evropë. Gjilani me fitoren ndaj Dukagjinit ka bërë një hap të madh drejt Evropës, derisa tashmë Dukagjinit i janë vështirësuar punët maksimalisht.
Një fitore me shumë peshë e ka marrë Malisheva që e mposhti Trepçën ’89 (1:0) dhe duket më e qetë në luftë për ekzistencë. Pikë me shumë vlerës ka marrë edhe Ferizaj që e mundi Drenicën (2:0) dhe tashmë duket skuadra e Drenicës e larguar nga Liga, derisa Ferizaj po shpreson ende për mbijetesë. /GazetaSport.info