Paris Saint-Germaini ka lënë prapa humbjen e javës së kaluar nga Lorienti për ta fituar në udhëtim ndeshjen ndaj Troyesit. PSG-ja fitoi në udhëtim me rezultatin 3:1. Kjo ndeshje u zhvillua të dielën dhe i takoi javës së 34-t të Ligue 1 të Francës.
Kylian Mbappe shënoi golin e parë për Parisin në minutën e 8-të, ndërsa të dytin Vitinha në minutën e 59-të.
Golin e nderit për vendësit e shënoi Xavier Chavalerin në minutën e 83-të. Fabian Ruiz më pas shënoi golin e tretë për Parisin në minutën e 86-të.
Në këtë ndeshje nuk luajti Lionel Messi i suspenduar. Parisi zë vendin e parë me 78 pikë, kurse Troyes në vendin e 19-të me 22 pikë.