Milot Rashica ka luajtur deri në minutën e 69-të te Galatasaray që fitoi të martën në udhëtim ndaj Istanbulsporit me rezultatin 2:0 dhe i afrohet më shumë titullit në Turqi. Kjo ndeshje i takoi javës së 34-t të Superligës turke.
Dy golat e fitores i shënoi Mauri Icardi. Të parin e shënoi nga penalltia në minutën e 11-të shtesë të pjesës së parë, derisa të dytin në minutën e 89-të.
Te Istanbulspori nga minuta e parë u paraqitën shqiptarët, Valon Ethemi dhe Eduart Rroca. Ky i fundit u zëvendësua në minutën e 41-të, kurse Ethemi në minutën e 63-të. Në stol mbeten Valmir Veliu dhe Jetmir Topalli.