Java e parafundit në elitën e futbollit kosovar sjell disa ndeshje jashtëzakonisht interesante, madje ku mund edhe të përcaktohet fati i kampionatit, shkruan GazetaSport.info.
E gjithë vëmendja do të jetë të titulli i kampionit ku Ballkani e Drita po luftojnë për pozitën e parë. Ballkani në fushën e vetë ndeshet me Ferizajn dhe një fitore e mundëshme do ta shpallte kampioni, gjithmonë nëse në takimin tjetër Drita dështon me Malishevën.
Gjithsesi, gjasat janë minimale që kjo të ndodh pasi si Ballkani si Drita vështirë se do të dështojnë para tifozëve të vetë, por duhet pranuar që futbolli shpesh di të sjellë të papritura.
Shumë nxehtë do të jetë edhe në Klinë ku Dukagjini e pret Trepçën ’89. Një fitore e Dukagjinit do ta afronte shumë tek Evropa, derisa një humbje e Trepçës ’89 mund ta largojë nga liga skuadrën mitrovicase. Kjo është arsyeja që aty të pritet një luftë shumë e fortë.
Pak më qetë pritet të jetë në “Fadil Vokrri”, ku Prishtina e pret Drenicën skuadër tashmë e rënë nga liga ndërsa Llapi do të përballet me Gjilanin dhe kërkon fitore që ndeshjen e fundit ta pres shumë më i qetë.
Të gjitha ndeshjet luhet në shtunën nga ora 15:00. /GazetaSport.info