Zvicra ka regjistruar fitoren e tretë radhazi në kualifikimet për Kampionatin Evropian “Euro 2024”.
Të përzgjedhurit e Murat Yakin shënuan fitore sonte në udhëtim ndaj Andorrës.
Ndeshja e zhvilluar në stadiumin nacional të Andorrës përfundoi me rezultatin 1:2.
Remo Freuler (7’) dhe Zeki Amdouni (32’) shënuan golat e fitores për zviceranët.
Xherdan Shaqiri, i cili sonte luajti për 61 minuta, ishte asistues te goli i dytë. Nga minuta e 61-të luajti Andi Zeqiri, kurse kapiteni i “Helvetikëve”, Granit Xhaka, luajti tërë takim.
Golin e vetëm për vendasit e shënoi Marcio Vieira (67’).
Zvicra pas kësaj fitore ka 9 pikë dhe vazhdon kryesimin në Grupin I, tani me dy pikë më shumë se Rumania.
Andorra është e pesta me 1 pikë.