Muhamet Hyseni është rikthyer sërish te Llapi.
Sulmuesi gjatë dy sezoneve të fundit ishte pjesë e Malishevës dhe Feronikelit ’74.
Hyseni te skuadra nga Drenasi ishte golashënuesi më i mirë me 16 gola, teksa kontribuoi edhe me gjashtë asistime.
22-vjeçari me llapjanët ka nënshkruar kontratë tri-vjeçare.
Njoftimi i plotë nga KF Llapi:
“Muhamet Hyseni rikthehet në shtëpi
Sulmuesi 22-vjeç, Muhamet Hyseni pas dy-vitesh të kaluara tek Malisheva e Feronikeli ’74, rikthehet sërish në shtëpinë e tij.
Golashënuesi më i mirë i Feronikeli ’74 me 16 gola e 6 asistime, në prani të Drejtori Sportiv, Mentor Zhdrella, ka firmosur kontratë tri-vjeçare.
Hyseni është ndër futbollistët që ka kontribuar në fitimin e Kupës së parë duke shënuar penaltinë vendimtare që ia sjelli klubit tonë trofeun e parë pas 89 vitesh klub.
Duke parë kualitetet e tij dhe sezonin fantastik që ka kaluar me Feronikeli ’74 ku me golat dhe asistimet e tij ishte ndër futbollistët më vendimtar, klubi ka qenë i bindur se rikthimi i tij do jetë më se i duhur për fazën ofensive.
Sulmuesit Muhamet Hyseni i dëshirojmë mirë se ardhje sërish në mesin tonë dhe i dëshirojmë suksese dhe një sezon të mbarë.
Presim që këtë edicion dhe edicionet e ardhshme ta kryej punën e tij siq di më së miri, t’i tund rrjetat kundërshtare me fanellën e klubit të tij të zemrës”.