Superliga e Kosovës në futboll do të vazhdojë sot me dy ndeshjet e radhës në kuadër të javës së tretë.
Llapi do të luajë në udhëtim ndaj Fushë Kosovës, që ende nuk ka asnjë pikë duke regjistruar humbje në dy xhirot e para, teksa renditet e fundit në tabelë.
Në anën tjetër, llapjanët kanë tri pikë dhe renditen të pestit – me bilanc një fitore e një humbje.
Ndeshja do të zhvillohet nga ora 16:00, në stadiumin “Sami Kelmendi” të Lipjanit.
Skuadra tjetër që ende nuk ka pikë, Dukagjini, e pret Lirinë në “18 Qershori”. Klinasit janë të parafundit në tabelë.
Liria është një pozitë më lartë (e teta) me një pikë të grumbulluar – me bilanc një barazim e një humbje.
Edhe kjo ndeshje do të zhvillohet nga ora 16:00.