Trajneri i njohur kosovar, Ismet Munishi, ka thënë se nuk e sheh veten selektor të Kosovës, sidomos në mënyrën aktuale të udhëheqjes së futbollit.
Munishi ishte ndër emrat më të komentuar në një postim të KOHËS në Facebook se kush duhet të jetë përzgjedhësi i ri, pas largimit të Primozh Glihës. Emri i Munishit u përmend më së shumti krahas Lorik Canës, Ilir Dajës, Bensik Hasit e Gianni De Biasit.
“I falënderoj lexuesit dhe fansat për përkrahjen. Unë akoma nuk e shoh veten si selektor të Kosovës, sidomos me këtë mënyrë të udhëheqjes së futbollit kosovar. Ndihem i privilegjuar që populli vlerëson talentin dhe karakterin tim duke më futur në grup me këta trajnerë fantastikë dhe emra të mëdhenj”, ka shkruar ai në Facebook.
Gliha u largua nga FFK-ja pasi i përfundoi kontrata pas ndeshjes me Bjellorusinë.