Konsiderohej, si një ndër më të mirët, por duket se “fati” nuk është në anën e tij, pavarësisht mbiemrit. Bëhet fjalë për anësorin spanjoll, të Brighton, i huazuar te “pulëbardhat”, nga “katalanasit” e Barcelona, Ansu Fati, i cili do të qëndrojnë për një periudhë të konsiderueshme jashtë fushës së blertë.
Në përballjen e fundit, të skuadrës së teknikut De Zerbi, të fituar me rezultatin e ngushtë, 3 me 2, ndaj Nottingham Forest, Fati u detyruar të largohej, nga fusha e lojës, që në minutën e 21’-të, për shkak të një dëmtimi, në dukje i lehtë, por pas ekzaminimeve të nevojshme mjekësore, nuk ka rezultuar të jetë i tillë.
Sipas raportimeve më të fundit, të mediumeve spanjolle, por edhe atyre britanike, “ylli” 21-vjeçar i sulmit ka pësuar një dëmtim serioz, në muskujt e kërdhokullës dhe pritet të qëndrojë për rreth 3 muaj jashtë lojës, duke dëmtuar jo pak skuadrën e teknikut italian, sidomos para sfidës së mbrëmjes së kësaj të enjteje, në transfertën e AEK.