Futbollisti i njohur Albion Kurtaj është rikthyer te skuadra e Ferizajt me pretendime ta ndihmojë skuadrën për rikthim në elitën e futbollit.
Kurtaj që ishte pjesë e Llapit dhe Prishtinës, vlerësohet një përforcim i madh për skuadrën ferizajase të cilët e pret një pranverë e nxehtë.
Lajmi i plotë nga FC Ferizaj:
Më në fund, FC Ferizaj dhe sulmuesi shpërthyes Albion Kurtaj bashkojnë forcat, për një pranverë sa më të nxehtë dhe shpërthyese.
Kurtaj ishte pjesë e jona edhe para dy sezoneve kur ne u inkuadruam nga Liga e Parë në Superligë.
Së fundmi ai ishte pjesë e Prishtinës, ku u transferua nga Llapi.
Kurtaj asnjëherë nuk u largua njëmend nga Ferizaj. Ai vetëm rrugëtoi në disa ekipe, por zemra e tij ka rrahur çdo herë për FC Ferizaj.
Me Kurtajn dhe Kiqinën ne po ndërtojmë një ofanzivë të frikshme. Para vetës e kemi një mision, SUPERLIGËN.
Na priftë e mbara! 🔵⚪️. /GazetaSport