Pas largimit nga Dukagjini i Klinës, Armend Dallku pritet të kthehet në vendlindje. Burime të Ballkani.info bëjnë me dije se ish mbrojtësi i Shqipërisë do ta marrë drejtimin e skuadrës së Vushtrrisë.
Sipas këtyre burimeve, Vushtrria është në riorganizim dhe synon rikthimin në elitën e futbollit të Kosovës. Përpos Dallkut, në këtë skuadër pritet të afrohen edhe disa futbollist që do ta bartin barrën kryesore në tentim për ta arritur Superligën.
Në edicionin që sapo lamë pas, Vushtrria është renditur në vendin e pestë në Ligën e Parë – Grupi B. /Ballkani.info/