Ish-kapiteni i Ballkanit, Edvin Kuc ka reaguar pas eliminimit të Kampionit të Kosovës nga kualifikimet e Ligës së Kampionëve.
Ballkani u eliminua në rrethin e parë kualifikues nga skuadra UE Santa Coloma, nga Andora.
Kampioni i trefishtë kosovar, kishte fituar ndeshjen e parë me rezultat 2-1, ndërsa me rezultat të njëjtë përfundoi edhe ndeshja e sotme, derisa Santa Coloma kaloi tutje pas ekzekutimit të penalltive.
Tifozë të shumtë patën kritika për ndeshjen e sotme të Ballkanit, e këtyre iu përgjigj ish-kapiteni, Edvin Kuc.
“O dushman!!! Ballkani do të kthehet më i fortë se kurrë!!!”, ka komentuar Kuc në postimin e publikuar në faqen zyrtare të Ballkanit.
