Përzgjedhësi i kombëtares së Kosovës, Franco Foda ka publikuar edhe listën rezervë për ndeshjet e shtatorit.
Në këtë listë bëjnë pjesë nëntë futbollistë, prej tyre një portier, një mbrojtës, dy mesfushorë, e pesë sulmues.
Faton Maloku, Lirim Kastrati, Qëndrim Zyba, Bersant Celina, Altin Zeqiri, Arbër Zeneli, Shkëlqim Vladi, Drilon Hazrollaj e Muhamet Hyseni.
Për herë të parë ftesën e ka pranuar portieri i Dritës, Faton Maloku, i cili tregoi paraqitje mjaft të mira në rrugëtimin europian të klubit gjilanas në këtë fillimsezon.
Kosova do t’i luajë dy ndeshjet gjatë muajit shtator, fillimisht ndaj Rumanisë si vendase më 6 shtator, pastaj më 9 shtator ndaj Qipros si mysafire.