Ndeshja e parë mes skuadrës greke Maroussi dhe Pejës ka kaluar pa telashe. Të martën mbrëma në afërsi të Athinës, Maroussi fitoi bindshëm në ndeshjen e parë të raundit kualifikues të FIBA Europe Cup. Ndeshja e kthimit është të enjten prej orës 19:30.
Pasi përfundoi ndeshja, basketbollisti i ri i Pejës, Andi Ahmeti, refuzoi t’ia jap dorën basketbollistit serb të Maroussit, Miroslav Radulica. Këtë moment e zuri kamera e transmetuesit të ndeshjes. Nuk është parë si kanë vepruar basketbollistët tjerë shqiptarë të Pejës.
Radulica njihet si basketbollist provokues, ndërsa para ndeshjes kishte shkruar “Kosovo and Metohija, Serbia”.
Të mërkurën mbrëma e të enjten për episodin ku Ahmeti nuk ia zgjat dorën Radulicës kanë shkruar shumica e mediave serbe. Disa prej tyre e kanë vlerësuar “veprim të turpshëm”.
Edhe ndeshja e dytë zhvillohet në Greqi.