Trajneri më i mirë i xhudos në botë, Driton Kuka, së bashku me krenarinë e Kosovës, Majlinda Kelmendi, kanë vizituar ish-krerët e UÇK-së, të cilët tash e një kohë padrejtësisht po mbahen në burg.
Kuka përmes një postimi në Facebook, ka thënë se ata po mbahen të fortë dhe të bindur se do të dalin të pafajshëm.
Ky është postimi i plotë i Kukës:
Sot dhe dje së bashku me Majlinden përfunduam vizitat me krerët e UÇK!
Me secilin patëm biseda e shpalosje për ngjarjet historike të popullit tonë!
Biseduam edhe për sfidat tona në sport tash e në të kaluarën.
Të fortë, të qëndrueshëm, pozitiv dhe të motivuar për të dalur të pafajshëm, fillimisht ata, e më pas UÇK-ja dhe Republika e Kosovës, nga ky proces i padrejtë gjyqësor.
Unë dhe Majlinda, njëjtë si qytetarët e Kosovës, besojmë fuqishëm në pafajësinë e tyre.