Presidenti i Federatës së Futbollit të Kosovës, Agim Ademi ka pasur një takim me legjendën e futbollit francez, kampionin e Botës me Francës, Youri Djorkaef dhe futbollistin tjetër të Interit, Houssine Kharja.
Ademi ka thënë se me ta bisedoi rreth idesë së inaugurimit të Kampit Nacional të FFK-së ku pritet të zhvillohet një ndeshje e veçantë mes yjeve të FIFA-së dhe YEFA-së ku pritet të marrin pjesë emra të mëdhenj të futbollit.
“Kënaqësi të jem në mesin e legjendave të futbollit, Youri Djorkaef dhe Houssine Kharja.
Diskutuam rreth idesë që me rastin e inaugurimit të Kampit Nacional të FFK-së të organizohet një ndeshje e veçantë mes Yjeve Legjenda të FIFA-s dhe UEFA-s.
Një ndeshje e tillë do të bashkojë emra të mëdhenj të futbollit botëror në kryeqytetin tonë dhe do të shërbejë edhe si promovim për vendin tonë.
Djorkaeff e mirëpriti këtë ide dhe u dakordua që ta përfshijë atë në programin e tyre.
Data e këtij eventi të përcaktohet ndërkohë, pasi gjithçka varet nga ecuria e përfundimit të punimeve në kamp”, ka shkruar Agim Ademi.