Federata Ndërkombëtare e Historisë dhe Statistikave në Futboll, IFFHS, ka publikuar formacionin më të mirë të vitit 2024.
Në 11-shen më të mirë shihen emrat e futbollistëve të cilët patën paraqitje të shkëlqyera, por kishte edhe befasi.
Formacioni dominohet nga futbollistët e Real Madridit (5) dhe tre nga skuadra e Manchester Cityt.
Në portë ndodhet portieri i Aston Villës, Emiliano Martinez.
Mbrojtja përbëhet nga Dani Carvajal, Ruben Diaz, Antonio Rudiger e Alphonso Davies.
Në mesfushë është Toni Kroos, Rodri dhe Jude Bellingham.
Ndërkohë sulmi përbëhet nga treshja e frikshme, Lamine Yamal, Vinicius Junior dhe Erling Haaland.
