Përkrahësit e Milanit nuk do të kenë të drejtë ta përcjellin ndeshjen ndaj Romës në “Olimpico” të dielën.
Por, tifozët ultras të kësaj skuadre kanë thënë se do ta bojkotonin ndeshjen edhe nëse nuk do të dënoheshin.
“Do t’iu lëmë të vetmuar me turpin tuaj”, kanë shkruar tifozët zyrtar të kësaj skuadre.
Ndeshja në Romë luhet nga ora 20:45 dhe i takon xhiros së 37-të, të parafundit për këtë edicion.
Protesta e tyre ka ardhur si pasojë e humbjes në finale të Kupës së Italisë të mërkurën në mbrëmje nga Bologna me rezultatin 1:0.
Golin e fitores e shënoi Dan Ndoye.
Bologna e fitoi trofeun e parë në histori pas 51 vjetësh.