Trajneri i Manchester Cityt, Pep Guardiola, ka ndarë mendimet e tij pas humbjes surprizë 1-0 të skuadrës së tij ndaj Crystal Palace në finalen e Kupës FA në Wembley.
Pavarësisht dominimit të lojës dhe krijimit të mundësive, Guardiola pranoi se futbolli mund të jetë i paparashikueshëm.
“Jemi të trishtuar sepse nuk fituam, por luajtëm shumë më mirë, më mirë se kundër United sezonin e kaluar. Bëmë gjithçka. Krijuam shumë raste”, deklaroi strategu spanjoll.
“Në dy ndeshjet e fundit ne gjuajtëm 50 herë. Futbolli ndonjëherë është kështu. Pastaj Henderson do të duhej të përjashtohej për lojën me dorë jashtë zone dhe ja thash edhe përballë (kur nuk ja dha dorën)”.
“Ne bëmë gjithçka dhe ata u mbrojtën mirë. Ne krijuam raste. Ne i kontrolluam tranzicionet shumë mirë”.
“Fatkeqësisht nuk mundëm të fitonim dhe i urojmë Crystal Palaces trofeun”, ka thënë Pep.