Trajneri i Llapit, Tahir Batatina, pas fitores ndaj Vushtrrisë në ndeshjen e barazhit dhe mbetjes në Superligë, tha se nganjëherë gjërat nuk shkojnë ashtu siç duhet.
“Na nuk kena prit të vijmë në këtë fazë. Është hera e parë që Llapi luan në barazh. Kampionat që do ta harrojmë shpejt e do vazhdojmë për të radhës. Ndeshjet si sot, nuk luhet futboll. Por, synimi ynë ka qenë të jemi pjesë elitës. Llapi mendoj që është model për ekipe të Superligës. Do mendojmë përforcimet e duhura për kampionatin e radhës”, tha ai.
Tutje Batatina shtoi se Llapi edhe 20 vjet tjera nuk do të jetë barazh, pasi që ky ekip lufton për trofe. Ai ka paralajmëruar edhe disa përforcime. /Ballkani.info/