Dy nga talentet më premtues të FC Prishtinës, Drilon Islami dhe Albin Krasniqi, janë afër për të zyrtarizuar transferimet e tyre në klube jashtë Kosovës, pa sjellë asnjë përfitim financiar për skuadrën kryeqytetase.
Mesfushori 24-vjeçar, Drilon Islami, pritet të arrijë marrëveshje me gjigantin rumun CFR Cluj, ndërsa Albin Krasniqi është po ashtu afër për të nënshkruar kontratë 3-vjeçare me klubin ukrainas FC Kolos.
Përkundër faktit që të dy futbollistët ishin pjesë kyçe e skuadrës gjatë sezonit të fundit, FC Prishtina nuk ka përfituar asnjë kompensim financiar, pasi asnjëri prej tyre nuk kishte kontratë të vlefshme me klubin në momentin e largimit.
Transferimi i tyre shënon një hap të madh në karrierën e futbollistëve, por gjithashtu përfaqëson një humbje të pastër për klubin më të madh në vend, që mbetet pa dy nga elementët e tij më të rëndësishëm – dhe pa ndonjë përfitim financiar.