Florent Muslija pritet që së shpejti të largohet nga skuadra e Freiburgut. Reprezentuesi i Kosovës është në radarin e një klubi nga Polonia.
Gazetari polak, Sebastian Staszewski, ka shkruar se klubi Rakow dëshiron që ta ketë Muslijën në skuadër për edicionin e ardhshëm.
Mësohet se klubi polak tashmë ka kontaktuar me menaxherin e mesfushorit me tipare sulmuese. Bisedimet nuk do të jenë të lehta për shkak se pengesa kryesore është paga e lartë e lojtarit.
Për Muslijën kanë shprehur interesim edhe disa skuadra nga Turqia.
27-vjeçari te Freiburgu u transferua nga Paderborni vitin e kaluar për një milion euro. Me klubin gjerman ka kontratë deri në verën e vitit 2028.
Muslija ka kohë që nuk është në planet e Freiburgut.