Llapi po tregohet jashtëzakonisht aktiv në këtë afat kalimtar, duke vazhduar të ndërtojë skuadrën për edicionin e ri të Superligës së Kosovës.
Bardhekaltërit kanë zyrtarizuar dy përforcime të reja në repartin defansiv: rikthimin e ish-kapitenit Bujar Idrizi dhe nënshkrimin me mbrojtësin e ri Fuad Ajvazi.
Rikthimi i liderit
Pas dy vite e gjysmë në futbollin gjerman me FC Kosova Düsseldorf, Bujar Idrizi rikthehet te Llapi, aty ku ka lënë gjurmë si një ndër figurat kryesore të suksesit në vitet e fundit. Mbrojtësi i qendrës dhe i krahut të djathtë ka qenë pjesë e skuadrës që fitoi dy herë Kupën e Kosovës dhe një herë Superkupën, në sezonet 2020/21 dhe 2021/22.
Klubi e cilëson rikthimin e tij si një hap strategjik, jo vetëm për të forcuar repartin mbrojtës, por edhe për të rikthyer në skuadër një lider me përvojë, i cili do të udhëheqë grupin drejt objektivave të reja.