Frank Anguissa ka shënuar gol në minutën e 95-të për t’i fituar tre pikët kampionit në fuqi të Italisë, Napoli.
Napolitanët të shtunën mbrëma fituan 1:0 ndaj Cagliarit në shtëpi.
Kjo ndeshje i takoi xhiros së dytë të Serie A.
Anguissa golin e fitores e realizoi nga afërsia pas asistimit të Alessandro Buongiornos.
Napoli javën e kaluar e mposhti Sassuolon në ndeshjen hapëse të sezonit të ri me rezultatin 2:0.