Manchester Unitedi e ka fituar derbin ndaj Liverpoolit 2:1, kështu duke ia thelluar krizën edhe më shumë “të kuqve”.
Ndeshja e cila u luajt të dielën në “Anfield” i takoi javës së tetë të Premier Leagues. Liverpooli është në krizë të thellë të rezultateve. Ka katër disfata radhazi. Në tri ndeshjet e kaluara u mposht edhe nga Chelsea, Galatasaray dhe Crystal Palace.
Bryan Mbeumo e kaloi në epërsi Unitedin në minutën e dytë. Vendësit shifrat i barazuan në minutën e 78-të me golin që e shënoi Cody Gakpo.
Gjashtë minuta më pas, Harry Maguire, e realizoi golin e fitores për “Djajtë e kuq”. Për Unitedin ishte fitorja e dytë rresht.
Liverpooli me këtë humbje ka rënë në pozitën e tretë me 15 pikë. Unitedi ka dy pikë më pak në vendin e nëntë.