Trajneri italian, Luciano Spalletti, e ka nisur me fitore aventurën te skuadra e Juventusit.
Juve të shtunën në udhëtim fitoi 2:1 ndaj Cremoneses. Ndeshja i takoi xhiros së dhjetë të Serie A.
Spalletti te “Zonja e Vjetër” e zëvendësoi kroatin Igor Tudor i cili u shkarkua për shkak të rezultateve negative.
Filip Kostiq e kaloi në epërsi Juven në minutën e dytë.
Për 2:0 realizoi Andrea Cambiaso në minutën e 68-të.
Golin e vetëm për vendësit e realizoi Jamie Vardy në minutën e 83-të.
Sulmuesi i Kosovës, Edon Zhegrova, mbeti sërish në bankën e rezervistëve te Juventusi.
Për Juven ishte fitorja e dytë rresht në kampionat.
Juventusi ka 18 pikë në pozitën e pestë. Cremonese është në mesin e tabelës me 14 pikë.